Қазақстанда дәнекерлеушілерді оқыту және аттестаттау

«КазЭкспертПром» ЖШС кез келген қауіпті өндірістік объектіде жұмыс істейтін бірінші және екінші деңгейдегі дәнекерлеушілерді даярлауды, қайта даярлауды, біліктілігін арттыруды және аттестаттауды ұйымдастырады. Өнеркәсіптік қауіпсіздік саласындағы осы қызметтер аясында дәнекерлеуші кез келген қауіпті өндірістік объектідегі жұмыстар кезінде қолмен, механикаландырылған және автоматтандырылған тәсілдермен жүргізілетін балқыта дәнекерлеудің белгілі бір түрлерімен дәнекерлеу және балқытып қаптау жұмыстарын жүзеге асыру құқығына аттестаттаудан өтеді. Нормалар аттестаттау органдары аттестаттауға арналған әдістемелік бағдарлама жасаған дәнекерлеудің өзге түрлерімен дәнекерлеу және балқытып қаптау жұмыстарын орындайтын дәнекерлеушіні аттестаттауға да қолданылуы мүмкін.

«КазЭкспертПром» аттестаттау орталығы дәнекерлеушіні (бірінші және екінші деңгейдегі маманды) қауіпті өндірістік объектілер мен құрылыстардың мынадай санаттары үшін аттестаттайды:

• Көтеру-тасымалдау техникасы.
• Қазандық техникасы.
• Газ техникасы.
• Мұнай-газ өндіру техникасы.
• Химиялық, мұнай-химиялық, мұнай өндіру және жарылыс-өрт қаупі бар өндірістік қуаттардың техникасы.
• Құрылыс конструкциялары.

Аттестаттау комиссиясының құрамы:

1. кәсіби даярлықтың бірінші деңгейіндегі дәнекерлеушіні аттестаттау кезінде – IV деңгейдегі бас дәнекерлеуші және кәсіби даярлықтың III немесе II деңгейіндегі 2 шебер;
2. кәсіби даярлықтың екінші деңгейінде оқитындарды аттестаттау кезінде – IV деңгейдегі бас дәнекерлеуші және кәсіби даярлықтың III деңгейіндегі дәнекерлеу өндірісінің 2 шебері/технологы.

Аттестатталған дәнекерлеушілерге берілетін аттестаттау куәліктері ҚР-дың бүкіл аумағында жарамды.