Жауапты тұлғаларды еңбекті қорғау және қауіпсіздік техникасы бойынша оқыту

«КазЭкспертПром» компаниясы қауіпсіздік және еңбекті қорғау бойынша оқыту жүргізеді, оқу аяқталғаннан кейін емтихан комиссиясы тыңдаушының лауазымы мен біліктілігіне қарай куәлік немесе сертификат бере отырып, ҚжЕҚ талаптарын білуін тексереді. Курс «Қазақстан Республикасының Еңбек кодексі» 2015 жылғы 23 қарашадағы № 414-V 182-бабы 2-тармағының 3) тармақшасына сәйкес кемінде үш жылда бір рет ҚжЕҚ мәселелері бойынша біліктілікті арттыру курсынан өтуі тиіс басшы қызметкерлер мен еңбекті қорғау қауіпсіздігін қамтамасыз етуге жауапты тұлғаларға арналған. Сондай-ақ ҚР заңнамасы Қазақстан Республикасы Денсаулық сақтау және әлеуметтік даму министрінің 2015 жылғы 25 желтоқсандағы № 1019 «Қызметкерлердің қауіпсіздік және еңбекті қорғау мәселелері бойынша оқытуды, нұсқама беруді және білімін тексеруді өткізу қағидалары мен мерзімдерін бекіту туралы» бұйрығына сәйкес қауіпсіздік және еңбекті қорғау бойынша оқудан өтуді міндеттейді.

ҚР Денсаулық сақтау және әлеуметтік даму министрлігінің 25.12.2015 ж. № 1019 «Қызметкерлердің қауіпсіздік және еңбекті қорғау мәселелері бойынша оқытуды, нұсқама беруді және білімін тексеруді өткізу қағидалары мен мерзімдерін бекіту туралы» бұйрығы бойынша басшы лауазымдардағы қызметкерлер, сондай-ақ жұмыс орнында еңбекті қорғау мен қауіпсіздікті қамтамасыз етуге жауапты персонал (жауапты қызметкерлер) тұрақты түрде, кемінде 3 жылда бір рет кәсіптік даярлау, қайта даярлау, біліктілікті арттыру қызметтерін көрсететін оқу орталықтарында ҚжЕҚ оқуынан (Қауіпсіздік және Еңбекті Қорғау) өтіп, білімін тексертуі тиіс. Бұдан басқа, қауіпсіздікке қатысты іс-шаралар кешеніне жұмыс орындарын еңбек жағдайлары бойынша аттестаттау кіреді.

Қауіпсіздік және еңбекті қорғау бойынша оқудан өткен қызметкер 3 жыл жарамды Сертификат алады. Сондай-ақ курстан өткеннен кейін аттестаттауды жүргізген емтихан комиссиясының хаттамасы беріледі. Сертификат қызметкерге нұсқама жүргізуге, нұсқамаларды тіркеу журналдарын жүргізуге, бағдарламалар әзірлеуге құқық береді. Еңбекті қорғау және қауіпсіздік техникасы бойынша оқудан міндетті түрде өту қажет.

Қызметкерге алғашқы, қайталама немесе жоспардан тыс нұсқама берілгені және оның жұмысқа жіберілгені туралы нұсқама берген қызметкер нұсқамаларды тіркеу журналына жазба енгізуі тиіс. Бұл осы Қағидаларға 4-қосымшамен регламенттеледі. Жазба нұсқама жүргізген және нұсқама алған адамдардың қолдарымен расталады. Жоспардан тыс нұсқаманы оның өткізілу себебін көрсете отырып тіркеу қажет. Тіркеу журналы нөмірленеді, тігіледі. Ұйымның еңбекті қорғау және қауіпсіздік қызметі журналды жұмыс басшыларына (цех бастығына, шеберге) береді.