ИТҚ мен жөндеу персоналын электр қауіпсіздігі бойынша оқыту

«КазЭкспертПром» ЖШС ҚР Министрінің 2015 жылғы 19 наурыздағы № 222 «Тұтынушылардың электр қондырғыларын пайдалану кезіндегі қауіпсіздік техникасы қағидаларын бекіту туралы» бұйрығының талаптарына сәйкес мамандарды электр қауіпсіздігі бойынша оқытады.

Қағидаларға сәйкес жыл сайынғы тексеруден, дәлірек айтқанда рұқсат тобын алу немесе растау үшін мыналар өтуі тиіс:

• I–V рұқсат тобы бар электр техникалық персонал;
• энергетика саласында жоғары білім алуы нәтижесінде кезекті рұқсат тобы берілген қызметкерлер;
• атқарған жұмыс өтіліне байланысты тиісті рұқсат тобын алған қызметкерлер.

Электр желілерінің кернеуіне және атқарылатын жұмыстарға қарай рұқсат топтары қалай аталады? Сонымен:

• I топ – 220 В-қа дейінгі кернеумен жұмыс, розеткаларды, айырларды және т.б. алдын ала бөлшектемей техниканы қосу бойынша;
• II–III топ – кернеуі 1000 В-тан аспайтын жабдықпен, сондай-ақ желілермен жұмыс;
• IV–V топ – кернеуі 1000 В-тан жоғары жабдықпен, электр желілерімен жұмыс көзделеді.

Тексеру нәтижесінде мыналар беріледі:

• бір жылға электр қауіпсіздігі бойынша тиісті куәлік;
• мамандарға білікті тексеру жүргізілгені туралы хаттама.