Лифтілерді техникалық куәландыру және диагностикалау

Лифтіні техникалық тексеру және диагностикалау жабдықтың барлық түрін тексеру рәсіміне қолданылатын жалпы қағидаларға сәйкес жүзеге асырылады. Олардан басқа, көтергіш механизмдердің бұл түріне Лифт шаруашылығын пайдалану және оған қызмет көрсету қағидалары қолданылады (Қазақстан Республикасы Құрылыс және тұрғын үй-коммуналдық шаруашылық істері агенттігі Төрағасының 2012 жылғы 10 қаңтардағы № 5 бұйрығымен бекітілген).

Техникалық тексеру және диагностикалау кезінде лифт жабдығына мыналар жүргізіледі:

1. визуалды және өлшеу бақылауы;
2. лифтінің барлық режимдерде жұмысын тексеру;
3. ақауларды, арқанның жай-күйін, бұзылуларды, тозу дәрежесін, коррозияны анықтай отырып, лифт жабдығының жай-күйін анықтау;
4. қауіпсіздік құрылғыларын сынау;
5. бұзбайтын бақылау әдістерін қолдана отырып, металл конструкцияларды тексеру;
6. қорғаныштық нөлдеуді (жерге тұйықтауды), электр желілері мен электр жабдықтарының оқшаулау кедергісін сынау, бейтарабы тұйық жерге тұйықталған желілерде қорғаныстың іске қосылуын тексеру.