Металл құрылымын металлографиялық және химиялық талдау
Металды металлографиялық талдау
«КазЭкспертПром» аккредиттелген сынақ зертханасы металдар мен қорытпалардың макро- және микроқұрылымын, сондай-ақ оның механикалық қасиеттерге әсерін зерттеу мақсатында металлографиялық талдау жүргізеді. Металлографиялық талдау кезінде зерттелетін бұйымның сандық және сапалық құрамы, сондай-ақ механикалық, физикалық, технологиялық және пайдалану қасиеттері бойынша сенімді деректер алуға мүмкіндік беретін бірқатар рәсімдер мен талдамалық іс-шаралар орындалады. Металлографияның объектісі – арнайы сынама дайындаудан кейін микроскоппен бақылауға қолжетімді болатын зерттелетін үлгінің металлографиялық құрылымы. Металлография микрожарықшақтар, шөгу кеуектілігі және т.б. түріндегі ішкі ақауларды анықтауға, құрылымнан металл емес қосындылар түріндегі жол берілмейтін элементтерді, термиялық өңдеу іздерін табуға, сондай-ақ металл құрылымының кристалдық құраушысының өлшемдерін, пішінін және өзара орналасуын анықтауға мүмкіндік береді. Осы факторлардың барлығы бойынша деректер талдауға түсетін материалдардың сапасы туралы тұтас түсінік қалыптастыруға көмектеседі. Зерттеу арнайы жабдықтың көмегімен және мамандандырылған әдістемелер бойынша жүргізіледі.
Металды химиялық талдау
«КазЭкспертПром» ЖШС-де әртүрлі металдар мен қорытпалардың, соның ішінде дәнекерленген жіктердің химиялық құрамын талдауға тапсырыс беруге болады. Қызмет сәйкестендіруді, ГОСТ параметрлеріне, техникалық шарттарға немесе бұйым маркасына сәйкестігін анықтауды қамтиды. Біз металдарды классикалық химиялық талдауды «ылғалды химия» әдісімен – элементтер бойынша жүргіземіз, бұл бұйымдардың химиялық құрамын анықтаудың барынша тиімді әрі сапалы тәсілі. Басқа сынақтармен салыстырғанда ол жоғары дәлдігімен ерекшеленеді және үлгі сынамасындағы барлық элементтердің пайыздық мөлшерін анықтауға мүмкіндік береді.
Жүргізілген химиялық талдау нәтижелері бойынша сынақ хаттамасы беріледі.